Pisa Duwa Hpalap Poi Hpaw
The Kachin Post
February 12, 2002悠ndia mungdan Assam mungdaw kaw February shata praw hta maigan hte mungdan kata na bu hkawm ni matu Hplap buhkawm poi kaba hpe galaw wa sai rai nga ai. Assam bu hkawm magam dap hku n地a maigan bu hkawm ni mungdan kata de grau du sa wa na matu yaw shada let dai zawn rai ai poi ni langai hpang langai galaw woi sa wa sai rai nga ai. Dai ni gaw Brahmaputra and Dehli Patkai poi ni rai n'na ndai Hpalap poi daram tang n-du ai rai nga ai.
Dai Hpalap poi hta shang lawm wa ai Mrs. L. Crow hku n'naMizzima shiga dap de tsun wa ai gaw "dai poi gaw shi hpe grai laklai ai mahkrum madup lu shangun ai rai n地a dai Hplap sun ni aq tsit lali tsawm htap ai ni mung shi aq myit hpe shalen shangun ai" re ngu na tsun dan wa ai. Shi aq madu wa gaw Jhanji Hpalap Company kaw lai wa sai ten hta magam gun wa ai rai nga ai. "Ngai Assam de sa ai hpe ra sharawng ai" ngu na matut tsun wa ai.
India mungdan hta Hpalap sun 900 jan daram nga ai rai n地a dai ni gaw mungdan hpe tsawm htap shangun nga ai. Bu hkawm magam dap kaw na galaw ai ndai Hpalap poi gaw shawng n地an lang na rai n地a dai hta Gumra shingjawng poi, dai shara na myusha ni aq htung hking ka manawt poi, Mawdaw shing jawng poi hte laga pyaw hpa lam amyu myu ni mung lawm ai rai nga ai.
Ndai Hpalap Poi hpe Du wa Pisa Nawng Gam hpaw ya ai rai nga ai. Shi gaw 1823 shaloi na Jinghpaw Hkaw hkam Pisa Gam aq kashu kasha lakung langai rai nga ai. Dai poi hta tsun ai shi aq mungga hta Assam mungdaw na myusha ni aq htung hking hpe adan aleng rai madun dan wa sai rai nga ai. Ndai hpalap lu ai lai len hpe gaw Hpalap hpaga grai kaja nga ai laiwa sai ten hta Myen mung na myusha ni kaw na lu la wa ai rai nga ai. Du wa Nawng Gam gaw India mung na Jinghpaw hkaw hkam rai n地a shi s1hpun da ai htung hking buhpun palawng ni gaw India hte Myen mung nga ai Jinghpaw wunpawng myusha ni aq htung hking hte sali wunli bung nga ai lam hpe madun nga ai. Dai zawn rai ai matut mahkai ai lam ni hpe lam amyu myu hku na makawp maga ra ai ngu na tsu wa ai.
India mung na Jinghpaw myusha ni gaw lai wa sai ten hta ya na Myen mung kaw na du shang wa n地a Assam-Arunachal ga jarit hkan shanu nga ai ni rai nga ai. Jinghpaw myusha ni gaw Hpalap lu ai lai ladat hpe moi prat kaw na jai lang wa ai rai n地a shanhte nga hkawm mat ai shara shagu hkan Hpalap hpe hkai mat wa ai rai nga ai.
Dai lam ni aq majaw India hte Jinghpaw mung ga jarit hkan Hpalap hkai ai lam grai dam lada wa ai rai nga ai. Hpungtang hpaji du Dr. Anjan Baruah tsun ai hku rai yang Patkai Bum mayan hta Jinghpaw myusha ni gaw shawng n地an Hpalap hpe hkai n地a jai lang hpang wa ai ni rai nga ai.
English ni uphkang ai aten hta n壇ai lam ni aq majaw rawtmalan galaw wa ai shaloi, Gumrawng gumsa Hkaw hkam Pisa Gam gaw rawtmalan hpe woi awn wa ai majaw Jorhat Htawng kaw shi n-nga mat wa ai ten 1840 ning du hkra rim rawng katut wa sai rai nga ai.
Ndai Hpalap poi gaw du sa ai ni yawng aq myit masin hpe shang sha shangun ai rai n地a Bu hkawm magam dap a shawng n地an hpang dat ai lahkam langai rai nga ai.
