KIO Dat Kasa Yangon Du

The Kachin Post

May 7, 2004 — National Convention de sa du lung na Wupawng Mungdan Shanglawt Hpung KIO a dat kasa ni gaw dai hpawt hta Yangon mare kaw du nga sai lam KIO shiga lawk hku chye lu ai.

KIO Du Kaba Tingnyang-up malai 2 Dr. Manam Tu Ja woi awn ai dat kasa hpung gaw dai hapwt manap hta KIO Yangon rung de du wa ai rai n’na National Convention hte seng n’na hkyen lajang nga ai lam chye lu ai. KIO dat kasa hpung gaw lai wa sai May 2 ya shani hta Myitkyina mare na rawt sa wa ai rai nga ai.

“Shada jahkrup mai ai baw masa rai na zawn gaw nga ai,” ngu KIO Ningtau Ninggawn Amu Madu Du Kaba Sumlut Gun Maw tsun wa ai.

Ya ten hta National League for Democracy Pati NLD hte Myusha Pati ni gaw National Convention de sa du lung na matu daw dan ai lam rai n nga shi ai rai nga ai.

KIO dat kasa ni gaw National Convention galaw na Yangon mare makau na Nyaunghnapin Kwin ngu ai shara de May 14 hkan she sa du na la chye lu ai.