Manmaw Mare hta Miwa Phone Rim
August 11, 2006

Mali Pan Tsun

Jinghpaw mung Manmaw mare hta mare masha ni lang nga ai Miwa phone ni hpe Myen uphkang ai ni hku n’na hkan rim nga ai majaw lagyim n’na she shaga nga ma ai lam, mare masha ni tsun ma ai.

Miwa phone ni hpe rim wa ai lam gaw, Myen Hpyen Atsuya a shim ai shiga ni bra wa na tsang ai majaw re lam chye lu ai. Raitim, Miwa phone lang ai masha grai law ai majaw mare hta Miwa phone kade nga ai hpe pyi hkrak n chye lu ma ai. Ya ten du hkra Miwa phone 20 daram hpe rim da sai lam chye lu ai.

Rim la hkrum ai Miwa phone ni gaw Nam Hkam mare hte Loi Je mare lapran motorcycle htaw dut ai ni lagu shalai wa ai phone ni rai n’na, dai phone ni hpe Manmaw mare na Atsuya phone rung kaw na ni hte rau jawm galaw sha ai phone ni rai nga ai. Phone lu rim ai lam mung, phone rung na magam gun ni shiga jaw ai majaw lu rim ai lam chye lu ai.

Matut n’na Miwa phone ni hpe rim nga ding yang raitim, mare masha ni gaw phone hpe makoi n’na lagu shaga nga ding yang re lam hpe chye lu ai.