Muse-Ruli Jarit na Bungli Galaw Sha ai ni Jam Jau
October 09, 2006

Lahpai Zau Gam

Sam mung hte Miwa mung ga jarit na Muse hte Ruili lapran bungli galaw sha nga ai Myen mung masha ni gaw ga jarit tawt lai shabrai jat hta wa ai majaw, jam jau nga ai lam, Ruili shiga lawk hku chye lu ai.

Miwa mung Ruili mare de lagaw leng hte gat sa dut sha ai ni, gun rai htaw dut ai ni, hkrup ai bungli galaw sha ai ni hte jauman Jinghpaw hte Sam ni yawng yak nga ma ai hpe chye lu ai. “Moi de lani myi ga jarit tawt lai shabrai Myen gumhpraw lap 100 jaw ra ai kawn, ya lap 500 jaw ra ai re majaw anhte lani mi lap 1,500 daram sha tam lu ai ni matu hpa n ngam ai,” ngu lagaw leng hta Ruili maren hta Simaw-Simai dut hkawm ai gat num langai tsun ai.

Muse-Ruili ga jarit tawt lai manu hpe laiwa sai shata htum hkan kawn Myen uphkang ai ni hku n’na manu sharawt dat sai rai nga ai.

Raitim, Laiza hte Loije ga jarit hta gaw ga jarit tawt lai jahpu Miwa gumhpraw Yuan mi a chyen sha hta ai lam chye lu ai.